३१ जेष्ठ २०७७ , शनिबार

उपचारको क्रममा मृत्यु भएका बाराका ५ वर्षीय बालकमा कोरोना संक्रमण पुष्टि

हेल्थ टिभी अनलाइन\काठमाडौं: वीरगञ्जस्थित हेल्थ केयर अस्पतालमा उपचारको क्रममा मृत्यु भएका बालकमा कोरोना पुष्टि भएको छ ।

बारा निजगढ नगरपालिका ६ योजनाटोलका ५ वर्षीय बालकमा कोरोना पुष्टि भएको हो । बालकमा नियोनिया भएको भन्दै निजगढबाट थप उपचारका लागि वीरगन्ज पुर्‍याइएका बालकको उपचारको क्रममा शुक्रबार मृत्यु भएको थियो । मृत्युपछि बालकको कोरोना परीक्षण गर्दा पोजेटिभ देखिएको हो ।

मृत्यु भएका बालकमा कोरोना देखिएको नारायणी अस्पतालका मेडिकल सुपरिटेन्डेन्ट डा मदन उपाध्यायले जानकारी दिए । उच्च ज्वरो आउने क्रम नरोकिएपछि उनलाई शुक्रबार बिहान वीरगञ्ज लगिएको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।