२८ जेष्ठ २०७७ , बुधबार

भारतमा कोरोना कहर: एकैदिन थपिए झण्डै १० हजार संक्रमित

हेल्थ टिभी अनलाइन: भारतमा कोरोनाको कहर बढ्दै गएको छ । गत २४ घण्टामा मात्रै भारतमा झण्डै १० हजार नयाँ संक्रमित थपिएका छन्।

भारतीय स्वास्थ्य मन्त्रालयका अनुसार त्यहाँ एकैदिन ९ हजार ९ सय ८५ जना नयाँ संक्रमित थपिएका छन्। यसैगरी २७९ जनाले कोरोनाका कारण ज्यान गुमाएका छन्। अहिलेसम्म भारतमा २ लाख ७६ हजार ५८३ जनामा कोरोना संक्रमण पुष्टि भइसकेको छ भने ७ हजार ७ सय ४५ जनाको मृत्यु भएको छ । मन्त्रालयका अनुसार १ लाख ३५ हजार भन्दा बढी संक्रमित उपचारपछि निको भएर घर फर्केका छन्।

भारतले कोरोना रोकथाम तथा नियन्त्रणका लागि देशभर साढे दुई महिनादेखि लकडाउन जारी राखेको छ तर पनि संक्रमितको संख्या भने बढिरहेको छ । भारतमा एक साता यता दैनिक रुपमा लगातार ९ हजार भन्दा बढी नयाँ संक्रमित थपिंदै आएका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।