२५ जेष्ठ २०७७ , आइतवार

थप २१३ जनामा कोरोना संक्रमण, संक्रमितको संख्या ३ हजार ४ सय ४८ पुग्यो

हेल्थ टिभी अनलाइन\ काठमाडौं: नेपालमा थप २१३ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार विभिन्न जिल्लामा गरी थप २१३ जनामा कोरोना भाइरसको संक्रमण पुष्टि भएको हो ।

मन्त्रालयका प्रवक्ता डा विकास देवकोटाका अनुसार २०९ जना पुरुष र ४ जना महिलामा कोरोना संक्रमण देखिएको हो। योसँगै नेपालमा कोरोना संक्रमितको संख्या ३ हजार ४ सय ४८ पुगेको छ । संक्रमितमध्ये ३ हजार २ सय १२ पुरुष र २ सय ३६ जना महिला छन्।

मन्त्रालयका अनुसार नेपालमा हालसम्म ४६७ जना उपचारपछि निको भएर घर र्फेका छन्। पछिल्लो २४ घण्टामा मात्रै १०२ जना उपचारपछि निको भएर अस्पतालबाट डिस्चार्ज भएको बताइएको छ । पछिल्लो २४ घण्टामा ३ हजार ७ सय २८ जनाको कोरोना परीक्षण गरिएको मन्त्रालयले जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।