शेर भण्डारी\ डडेल्धुरा : बैतडीमा क्वारेन्टाइनमा बसेका एक पुरुषको आज मृत्यु भएको छ। जिल्लाको पाटन नगरपालिका-६ स्थित भीमदत्त प्राविधिक शिक्षालय क्वारेन्टाइनमा बसेका एकजनाको शनिबार मृत्यु भएको हो।

पाटन नगरपालिका- ६ सन्तोली घर भएका ३१ बर्षीय पुरुषको मृत्यु भएको प्राथमिक स्वास्थ्य केन्द्र पाटनका हेल्थ असिष्टेन्ट प्रेमसागर भट्टले जानकारी दिए । उनी शनिबार बिहान मात्रै भारतको बेंगलोरबाट पाटन आइपुगेका थिए।

एक्कासी साँझ ६ बजेतिर बेहोस भएका ती पुरुषको उपचारकै क्रममा पाटन प्राथमिक स्वास्थ्य केन्द्रमा साढे आठ बजेतिर मृत्यु भएको हेल्थ असिष्टेन्ट भट्टले बताए।

मृतकको कोरोना परीक्षणका लागि स्वाब संकलन गरिएको र स्वाब धनगढी पठाइने पाटन नगरपालिकाका स्वास्थ्य शाखा प्रमुख मदनसिंह महराले बताए। ती व्यक्तिसंग बेंगलोरबाट अरु १३ जना पनि आज बिहान मात्र पाटन पुगेको बताइएको छ।