हेल्थ टिभी अनलाइन\ काठमाडौं : नेपालगञ्ज खजुराकी नर्स र उनका श्रीमान आज कोरोना जितेर अस्पतालबाट घर फर्केका छन्। कोरोना रोकथाम तथा नियन्त्रणमा खटिएकी नर्समा जेठ ८ गते कोरोना संक्रमण पुष्टि भएको थियो । उनलाई त्यस लगत्तै खजुरास्थित सुशील कोइराला प्रखर क्यान्सर अस्पतालको आइसोलेसनमा राखिएको थियो ।
उनमा कोरोना पुष्टि भएपछि कन्ट्याक्ट ट्रेसिङ गरेर परिवारका सदस्यको परीक्षण गर्दा उनका पत्रकार श्रीमानमा पनि कोरोना पोजेटिभ देखिएको थियो । त्यसपछि श्रीमान श्रीमती दुबै जना एउटै आइसोलेसनमा थिए । उनका छोराछोरी लगायतका अन्य सदस्यमा भने कोरोना संक्रमण देखिएन्।

दुबै जनाको दुईपटक सम्म गरिएको परीक्षणमा कोरोना नेगेटिभ आएपछि अस्पतालले आज उनीहरुलाई डिस्चार्ज गरेको हो । उनीहरुसँगै सोही आइसोलेसनबाट अन्य दुई जना पनि डिस्चार्ज भएका छन्।

दुबै जनाले उच्च मनोबल र सकारात्मक सोचाइले सजिलै कोरोना जितेको प्रतिक्रिया दिए ।