धनगढीका एक कोरोना संक्रमितको अवस्था गम्भीर बनेपछि काठमाडौं रिफर
शेर भण्डारी\ डडेल्धुरा : धनगढीस्थित सेती प्रादेशिक अस्पतालमा उपचाररत धनगढीका एक कोरोना संक्रमितलाई काठमाडौं रिफर गरिएको छ ।
उनको स्वास्थ्यमा गम्भीर समस्या देखिएपछि धनगढी उप-महानगरपालिका- ५ का ५१ वर्षीय कोरोना संक्रमितलाई काठमाडौं पठाइएको अस्पतालले जनाएको छ ।
संक्रमित पुरुषलाई हिजो राती साढे १० बजेतिर अस्पतालमा उपचार हुन नसक्ने भन्दै अन्य अस्पतालमा लैजान भनिएको अस्पतालका सूचना अधिकारी दिपिलकुमार श्रेष्ठले जानकारी दिएका छन् ।
‘उहाँलाई हामीले अन्यत्र जानु भनेर पठाएका हौं। उहाँको मृगौलामा गम्भीर समस्या थियो, निमोनिया पनि थियो,’ श्रेष्ठले भने, ‘सेती अस्पताल लेवल-२ को अस्पताल भएकाले थप उपचारका लागि लेवल ३ को अस्पतालमा जान भनेर पठाएका हौं।
उहाँहरु काठमाडौं जान्छौं भनेर एम्बुलेन्समा जानुभएको सूचना अधिकारी श्रेष्ठले जानकारी दिए।
आत्महत्यासम्बन्धी जिम्मेवार रिपोर्टिङका लागि सञ्चारकर्मीलाई अभिमुखीकरण
बुढ्यौलीमा पनि अधिकार र सम्मानको खाँचो
पत्रकारका लागि फेलोसिप र तालिमको अवसर
औषधि खाँदा के कुरामा ध्यान दिने ?
मधुमेहका बिरामीले दशैँमा कसरी मिलाउने खानपान ?