हेल्थ टिभी अनलाइन\काठमाडौं: गण्डकी प्रदेशमा शनिबार बिहानै १७ जना नयाँ संक्रमित फेला परेका छन्।

गण्डकी प्रदेशको स्वास्थ्य निर्देशनालयले आज बिहानै विज्ञप्ति जारी गर्दै ४ जिल्ला गरी १७ जनामा कोरोना पुष्टि भएको जनाएको हो । योसँगै गण्डकी प्रदेशमा संक्रमितको संख्या ७५ पुगेको छ ।

निर्देशनालयका निर्देशक डा विनोद विन्दु शर्माका अनुसार स्याङ्जाका १० जना, कास्कीका ३ जना,बाग्लुङका १ र नवलपरासी बर्दघाटका १ गरी १७ जनामा कोरोना पुष्टि भएको हो । निर्देशनालयका अनुसार पोखरा स्वास्थ्य विज्ञान प्रतिष्ठानमा गरिएको परीक्षणमा स्याङजा वालिङ नगरपालिकाका ८ जना पुरुष र हरिनास गाउँपालिकाका २ जना पुरुषमा कोरोना संक्रमण देखिएको हो । यसैगरी कास्कीका रुपा गाउँपालिकाका २ जना पुरुष र पोखरा गाउापालिकाका १ जना पुरुषमा कोरोना देखिएको हो ।
यसैगरी भरतपुर अस्पतालको प्रयोगशालामा गरिएको परीक्षणमा नवलपरासी बर्दघाट विनय त्रिवेणी गाउँपालिकाका ३ जना पुरुषमा कोरोना पुष्टि भएको हो । संक्रमित सबैलाई सम्बन्धित जिल्ला अस्पताल लैजाने तयारी भएको जनाइएको छ ।