२२ जेष्ठ २०७७ , बिहिबार

डडेल्धुराको क्वारेन्टाइनमा मृत्यु भएकी महिलाको कोरोना रिपोर्ट नेगेटिभ

हेल्थ टिभी अनलाइन\ डडेल्धुरा: डडेल्धुराको क्वारेन्टाइनमा मंगलबार मृत्यु भएकी महिलाको कोरोना रिपोर्ट नेगेटिभ आएको छ। बिहीबार धनगढीस्थित सेती प्रादेशिक अस्पतालको प्रयोगशालामा गरिएको परीक्षणमा उनको रिपोर्ट नेगेटिभ आएको हो।

गन्यापधुरा गाउँपालिका–१ स्थित विद्यालयको क्वारेन्टाइनमा बसिरहेकी गाउँपालिका- २ की ३० वर्षीया महिलाको मंगलबार राति मृत्यु भएको थियो। क्वारेन्टाइनमा बसिरहेको समयमा उनको मुत्यु भएपछि बुधबार नै महिलाको कोरोना परीक्षणका लागि थ्रोट स्वाबको नमुना धनगढी पठाइएको थियो।

बिहीबार मृतक महिलाको थ्रोट स्वाबको नमुना परीक्षण गर्दा रिपोर्ट नेगेटिभ आएको स्वास्थ्य कार्यालय डडेल्धुराले जनाएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।