बैतडीमा क्वारेन्टाइनमा बसेकी एक महिलाको मृत्यु
हेल्थ टिभी अनलाइन\ डडेल्धुरा: बैतडीमा भारतबाट आएर क्वारेन्टाइनमा बसेकी एक महिलाको मृत्यु भएको छ ।
बैतडी जिल्लाको पुर्चौडी नगरपालिका-४ भटनास्थित मालिका माध्यमिक विद्यालयको क्वारेन्टाइनमा बसेकी २२ वर्षकी सुनिता लुहारको मंगलबार बिहान मृत्यु भएको हो ।
मृतक लुहार मुटु रोगको बिरामी रहेको भटना स्वास्थ्यचौकी इन्चार्ज रोहित कुमार धानुकले बताए। उनी जेठ १६ गते गौरिफण्टा नाका हुँदै स्वदेश फर्किएर जेठ १८ गतेदेखि क्वारेन्टाइनमा बसीरहेकी थिइन्। मृतकसँगै उनका श्रीमान र १८ महिने बच्चा पनि क्वारेन्टाइनमै छन्।
मृतक भारतको पञ्जाबबाट मुटुरोगको उपचार गराएर फर्किएको भएपनि आर्थिक अभावका कारण विगत १२ दिनदेखि औषधी सेवन नगरेको उनका श्रीमान हरिश लुहारले बताए।
यतिबेला लुहारको कोरोना परीक्षणका लागि स्वाब संकलन गर्ने तयारी भईरहेको छ भने पोष्टमार्टमका लागि शवलाई जिल्ला अस्पताल ल्याउने तयारी भईरहेको बैतडीका स्वास्थ्य कार्यालयका प्रमुख योगेशप्रसाद भट्टले जानकारी दिए ।
खराब कोलेस्टेरोल घटाउन के खाने ?
मुटुरोगबाट बच्न विचार व्यवस्थापन
क्षयरोग अन्त्य गर्ने विषयमा छलफल गर्न ३० देशका विज्ञहरु गोवामा भेला
लुम्बिनी प्रदेशको स्वास्थ्य सचिवमा डा वासुदेव उपाध्याय नियुक्त
स्वास्थ्य तथा जनसंख्या मन्त्रीमा प्रदीप यादव नियुक्त