हेल्थ टिभी अनलाइन\ काठमाडौं: नेपालमा फेरी थप १३ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयले सवा ४ बजे २२६ जनामा कोरोना पुष्टि गरेको दुई घण्टामा फेरी विज्ञप्ति जारी गर्दै थप १३ जनामा कोरोना देखिएको जनाएको छ ।

मन्त्रालयका अनुसार प्रादेशिक जनस्वास्थ्य प्रयोगशाला रुपन्देहीमा गरिएको परीक्षणमा पाल्पाका निस्दी गाउँपालिकाका २ जना, नवलपरासीका ६ वर्षीय बालक, गुल्मी रेसुंगाका १ जना, कपिलवस्तु मायादेवी गाउँपालिकाका ७ जना र रुपन्देही गैडहवाका २ जना गरी थप १३ जनामा कोरोना संक्रमण पुष्टि भएको हो ।

योसँगै नेपालमा कोरोना संक्रमितको संख्या १८ सय ११ पुगेको छ ।