हेल्थ टिभी अनलाइन\ काठमाडौं:  नेपालमा आज थप १६६ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार विभिन्न जिल्लामा गरी आइतबार १६६ जना संक्रमित थपिएका हुन्। यो सँगै नेपालमा कोरोना संक्रमितको संख्या पन्ध्र सय ६७ पुगेको छ ।

मन्त्रालयका अनुसार क्वारेन्टाइनमा रहनेको संख्या १ लाख १९ हजार १ सय ९२ रहेको छ । यसैगरी संक्रमित भएर विभिन्न अस्पतालमा उपचार गरिरहेकाको संख्या आइतबारसम्म १ हजार ३ सय ४९ रहेको छ । मन्त्रालयका अनुसार कोरोना जितेर घर फर्किनेको संख्या २२० पुगेको छ ।

यसैगरी नेपालमा हालसम्म ८ जनाले कोरोना संक्रमणका कारण ज्यान गुमाएका छन्। आज बाजुराकी २ वर्षीया बालिकाको कोरोना संक्रमणका कारण मृत्यु भएको हो ।