कोरोना उपचारमा पोषणविदलाई समावेश गर्न विद्यार्थी समाजको माग
हेल्थ टिभी अनलाइन\ काठमाडौं : सन्तुलित भोजन र उचित पोषणमार्फत रोग प्रतिरोधात्मक क्षमता बढाएर मात्रै कोरोनामाथि जित हासिल गर्न सकिने भन्दै कोरोनाको उपचारमा पोषणबिदलाई समावेश गराउन नेपाल पोषण तथा आहार बिज्ञान विद्यार्थी समाजले माग गरेको छ ।
बिहीवार प्रेस बिज्ञप्ति जारी गर्दै समाजले कोरोना उपचारमा हालसम्म औषधि तथा खोप तयार नभएको र रोगसँग लड्न पौष्टिक तत्वको मुख्य भुमिका रहने बताएको छ ।
उच्च जोखिममा हुने भन्दै क्वारेन्टाइन र आईसोलेसनका रहेका मानिसमा उचित पोषण नपुग्दा कोरोना लाग्ने खतरा झन बढेको र उपचाररत बिरामीलाई पनि रोगअनुरुपको डाइट प्लान गरेर छिटो निको पार्न सकिने पोषणविदलाई तत्काल परिचालन गर्नुपर्ने बिज्ञप्तिमा उल्लेख छ ।
लकडाउनका कारण गर्भवती महिला , शिशु, स्तनपान गराईरहेकी आमा, बालबालिका, किशोरीहरुमा आवश्यक पोषण पुग्न नसकेका कारण आगामी दिनमा कुपोषणको समस्या झन बिकराल बन्ने कुरामा ध्यान दिन पनि विज्ञप्तिमा जोड दिएको छ ।
विज्ञप्तिमा स्वास्थ्य नियमावली, २०५५ मा पाचौं देखी दसौं तहसम्मका पोषणबिद तथा डाइटिसियन ब्यवस्था भए पनि केन्द्रदेखी प्रदेशसम्म कहिकतै कार्यान्वयनमा नआएका कारण ३०० बढी दक्ष जनशक्ति बेरोजगार बस्नुपरेको हो । उल्लेख छ । कोरोना उपचारमा ठुलो योगदान दिन सक्ने जनशक्तिलाई सामेल गराउन ढिलाई गर्न नहुने विज्ञप्तिमा उल्लेख छ । यसका साथै कोरोना पछि देखिने कुपोषणको समस्या समाधान गर्न पोषणविदको दरबन्दी खोलेर उनीहरुलाई प्रत्यक्ष सामेल गराउनुपर्ने माग उनीहरुको छ ।
उक्त पोषण तथा आहार बिषय नेपाल सरकारको निर्देशन तथा राष्ट्रिय योजना आयोगको अध्ययन प्रतिवेदनअनुरुप त्रिभुवन बिश्वबिद्यालय अन्तर्गत केन्द्रिय प्रविधि क्याम्पस धरानमा २०६७\६८ देखी निरन्तर अध्यापन हुदै आईरहेको छ ।
बसाइ नमिल्दा ढाड दुख्ने समस्या !
काठमाडौंमा १७ जना औंलोको बिरामी, सबै आयातित
स्वास्थ्य मन्त्रालयले भन्यो, सरकारी अस्पतालमा काम गर्ने अनि निजीको विज्ञापन गर्न कहाँ पाइन्छ ?
गर्मीमा तातो हावा ‘लू’ बाट कसरी जोगिने ?
राष्ट्रिय प्रत्यारोपण केन्द्र १२ वर्षमा : १२ सय ३१ जनाको मिर्गौला प्रत्यारोपण