दाङमा उपचाररत ८ जना कोरोना संक्रमित निको भएर घर फर्किए

दाङमा उपचाररत ८ जना कोरोना संक्रमित निको भएर घर फर्किए

हेल्थ टिभी अनलाइन\काठमाडौं : दाङको बेलझुण्डीस्थित कोरोना विशेष अस्पतालबाट आज आठ जना कोरोना संक्रमित निको भएर घर फर्किएका छन् ।

कोरोना विशेष अस्पतालमा जेठ २ गते भर्ना भएका उनीहरुलाई दुईपटकसम्म गरिएको कोरोना परीक्षणमा रिपोर्ट नेगेटिभ आएपछि घर पठाइएको कोरोना विशेष अस्पतालले जनाएको छ ।

घर फर्कनेमा कपिलवस्तुका चार, बाँकेका तीन र दाङ, गढवाका एक जना रहेका छन् । कोरोना विशेष अस्पतालमा उपचार गराइरहेका ४५ मध्ये आठ जना निको भएपछि ३७ कोरोना संक्रमितको उपचार भइरहेको छ । अस्पतालमा रुकुमपूर्व रुपन्देही, कपिलवस्तु , बाँके ,दाङ र बर्दियाका छन् ।

थप समाचार