१५ जेष्ठ २०७७ , बिहिबार

दैलेखमा थप ८ जनामा देखियो कोरोना संक्रमण

हेल्थ टिभी अनलाइन\ काठमाडौं : नेपालमा कोरोना संक्रमितको संख्या दिनप्रतिदिन दोब्बर रुपमा बढिरहेको छ । यहीवीच कर्णाली प्रदेशमा आज थप ८ जनामा कोरोना संक्रमण पुष्टि भएको छ ।

कर्णाली प्रदेश सामाजिक विकास मन्त्रालयले विज्ञप्ति जारी गर्दै आज दैलेखमा थप ८ जनामा कोरोना संक्रमण पुष्टि भएको जनाएको हो ।

मन्त्रालयका अनुसार प्रदेश अस्पताल सुर्खेत र पशुपन्छी रोग अन्वेषण प्रयोगशाला सुर्खेतमा गरिएको परीक्षणमा दैलेख नारायण नगरपालिका वडा नं १, ३, ४ र ५ का एक वर्षदेखि ४० वर्षसम्मका ८ जनामा कोरोना संक्रमण देखिएको हो । योसँगै कर्णाली प्रदेशमा कोरोना संक्रमितको संख्या ४६ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।