कोरोना उपचारमा डाइटिसियनलाई समावेश गराउन संघको आग्रह
हेल्थ टिभी अनलाइन\ काठमाडौं : कोरोना उपचारमा पौष्टिक आहारको महत्वपूर्ण भूमिका हुने भन्दै यसको उपचारमा पोषणविद तथा आहारविदहरुलाई समावेश गराउन ‘नेपाल डाइटिसियन संघ’ ले सरकारसँग आग्रह गरेको छ ।
संघले मंगलबार प्रेस विज्ञप्ति जारी गर्दै कोरोना उपचारमा हालसम्म कुनै औषधि तथा खोप नबनेकाले यसको उपचार भनेकै पौष्टिक आहार भएकाले पनि पोषणविदहरुलाई यसमा समावेश गराउनुपर्ने माग राखेको हो । विज्ञप्तिमा भनिएको छ, ‘कोरोनाको उपचारमा हालसम्म कुनै औषधि खोप बनेको छैन्। यसको उपचार भनेकै पौष्टिक खानेकुराबाट रोग प्रतिरोधात्मक क्षमता बढाउँदै जाने हो । तर बिडम्बनाको कुरा कोरोना उपचारमा पोषणविद तथा आहारविदको भूमिका महत्वपूर्ण हुने भए पनि सरकारले हालसम्म केन्द्रदेखि प्रदेससम्म कहीं पनि डाइटिसियनलाई समावेश नगराउनु दुखद हो,’ उल्लेख छ।
यसैगरी डाइटिसियनले कोरोना उपचारमा सन्तुलित तथा उपचारात्मक आहार सम्बन्धी सल्लाह एवं सेवा दिएर महत्वपूर्ण भूमिका खेल्न सक्ने भएकाले यसतर्फ सरकारको ध्यान जरुरी रहेको उल्लेख छ । विज्ञप्तिमा भनिएको छ, ‘एकातिर ३ सय बढी पोषणविद तथा आहारविदहरु बेरोजगार छन् अर्को तर्फ सेवाग्राही सन्तुलित तथा उपचारात्मक आहारको बारेमा जानकारी नपाएका कारण विभिन्न समस्या झेल्न बाध्य छन्।’ त्यसैले सरकारले प्रत्येक सरकारी अस्पतालमा आहारविद तथा पोषणविद अधिकृतको लागि स्थायी दरवन्दी व्यवस्था गर्न संघले माग गरेको छ ।
वि सं २०५५ सालको स्वास्थ्य नियमावलीमै प्रत्येक अस्पतालमा कम्तीमा एक जना पोषणविद हुनुपर्ने उल्लेख भए पनि सो कार्यान्वयन नभएको भन्दै सो लाई कार्यान्वयन गर्न पनि संघले माग गरेको छ ।
स्वास्थ्य मन्त्री उपेन्द्र यादवद्धारा कान्ति बाल अस्पतालको आकस्मिक अनुगमन
नेपालले बालबालिकामा हुने क्यान्सरका ३५ प्रकारका औषधी निःशुल्क प्राप्त गर्ने
पूर्व स्वास्थ्य सचिव डा प्रवीण मिश्रको निधन
एक वर्षमा ३३ लाख बिरामीको आँखा उपचार, ८ लाख विदेशीले लिए सेवा
मधुमेह रोग र दाँतको समस्या