कुल जनसंख्याको २ प्रतिशतमा कोरोना परीक्षण गरिन्छ: प्रधानमन्त्री
हेल्थ टिभी अनलाइन\काठमाडौं : प्रधानमन्त्री केपी शर्मा ओलीले देशको कुल जनसंख्याको कम्तीमा दुई प्रतिशत जनतामा कोरोना भाइरसको नमुना परीक्षण गरिने बताएका छन् ।
सोमबार राष्ट्रका नाममा सम्बोधन गर्दै प्रधानमन्त्री ओलीले एउटा मात्र प्रयोगशालाबाट शुरु गरिएको परीक्षण अहिले २० भन्दा बढी स्थानबाट परीक्षण हुँदै आएको भन्दै कोरोना नियन्त्रणका लागि कम्तीमा पनि कुल जनसंख्याको दुई प्रतिशत जनसंख्याको परीक्षण गरिने बताएका हुन्।
नेपालको जनसंख्या ३ करोडको हाराहारीमा रहेको छ । यसलाई आधार मान्ने हो भने पनि ६ लाखको कोरोना परीक्षण गर्नुपर्नेछ । नेपालमा हालसम्म ५१ हजार ६४२ जनाको पीसीआर विधि मार्फत कोरोना परीक्षण भएको छ ।
यसका साथै उनले योसँगै कोरोना रोकथाम तथा नियन्त्रणका लागि सरकार कटिबद्ध भएर लागेको भन्दै हालका क्वारेन्टाइन र आइसोलेसनलाई व्यवस्थित गर्दै लाने बताए । उनले भारतको सिमा नाकाबाट आउने सबैको परीक्षण गरेर मात्रै ल्याइने भन्दै सर्वसाधारणलाई पनि यसप्रति सचेत हुन आग्रह गरे ।
राष्ट्रिय ट्रमा सेन्टरको निमित्त मेसुमा डा प्रमोद यादव
आज र भोलि बालबालिकालाई ‘भिटामिन ए’ खुवाइँदै
काठमाडौं महानगरका वडाहरुमा आजदेखि नि:शुल्क क्यान्सर परीक्षण शिविर
सिगरेटको विकल्प ई -सिगरेट होइन
‘स्ट्रोकको उपचारमा समय सबैभन्दा महत्वपूर्ण मानिन्छ’