१२ जेष्ठ २०७७ , सोमवार

नारायणी अस्पतालबाट कोरोना जितेर १८ जना डिस्चार्ज भए

हेल्थ टिभी अनलाइन\ काठमाडौं : वीरगञ्जस्थित नारायणी अस्पतलाबाट एकैपटक १८ जना कोरोना संक्रमित निको भएर घर फर्केका छन्।

उनीहरुको लगातार दुईपटकसम्म रिपोर्ट नेगेटिभ आएपछि नारायणी अस्पतालले उनीहरुलाई डिस्चार्ज गरेको हो । डिस्चार्ज हुने सबै एकै परिवारका सदस्यहरु भएको बताइएको छ ।

गत २१ बैशाखमा वीरगञ्ज महानगरपालिका–३ छपकैयाका एक युवकमा कोरोना संक्रमण भएपछि उनको परिवारको सदस्यहरुको समेत परीक्षण गरिएको थियो । त्यसक्रममा परिवारका अरु १७ जना सदस्यमा समेत संक्रमण देखिएको थियो ।

परिवारका ४ महिने शिशु देखि ६६ बर्षका बृद्धमा समेत संक्रमण देखिएको थियो । योसँगै देशभर कोरोना जितेर घर फर्कनेको संख्या १०५ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।