११ जेष्ठ २०७७ , आइतवार

बाँकेको नरैनापुरमा सुरक्षाकर्मीलाई पनि कोरोना संक्रमण

हेल्थ टिभी अनलाइन\ काठमाडौं : बाँकेको नरैनापुरमा एक जना सुरक्षाकर्मीलाई पनि कोरोना संक्रमण देखिएको छ । स्वास्थ्य मन्त्रालयले शनिबार पुष्टि गरेका संक्रमित मभ्ये एक जना नरैनापुरमा खटिएका सुरक्षाकर्मी रहेको पाइएको हो ।

जिल्ला प्रहरी कार्यालय बाँकेका प्रवक्ता तथा प्रहरी नायव उपरीक्षक शिव बहादुर सिंहले नरैनापुरको कालाफाँटा प्रहरी चौकीमा कार्यरत प्रहरी जवानलाई कोरोना पुष्टि भएको जानकारी दिए । चौकीका प्रहरीलाई कोरोना पोजेटिभ देखिएपछि शनिबार नै प्रहरी चौकी सिल गरी डिस्इन्फेक्ट गर्ने कार्य गरिएको छ । बाँकेमा सुरक्षाकर्मीलाई कोरोना भएको यो पहिलो हो भने एक जना स्वास्थ्यकर्मीलाई भने यसअघि नै कोरोना पोजेटिभ देखिएका थियो ।

यतिबेला बाँकेको नरैनापुर कोरोना को हटस्पट नै बनेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।