१० जेष्ठ २०७७ , शनिबार

कोरोना नियन्त्रणमा असहयोग गरेको भन्दै युनिभर्सल मेडिकल कलेजलाई प्रदेश सरकारले दियो कारवाही गर्ने चेतावनी

हेल्थ टिभी अनलाइन\ काठमाडौं : युनिभर्सल मेडिकल कलेजमा कार्यरत जनशक्तिलाई कोरोना अस्थायी अस्पतालमा पठाइदिन आग्रह गर्दा पनि नपठाएको भन्दै प्रदेश सरकारले कारवाहीको चेतावनी दिएको छ ।

कोरोना महामारीलाई मध्यनजर गर्दै स्वास्थ्य निर्देशनालय बुटवलले उक्त मेडिकल कलेजबाट जनशक्ति पठाइ सहयोग गर्न पत्र पठाएको थियो । तर सहमति अनुसार चिकित्सक र नर्स नपठाईएको भन्दै युनिभर्सल मेडिकल कलेजलाई प्रदेश ५ सरकारले कारवाही गर्ने चेतावनी दिएको हो ।

भैरहवामा बनाईएको कोरोना विशेष अस्थायी अस्पतालमा युनिभर्सल मेडिकल कलेजले दुई जना कन्सल्ट्यान्ट डाक्टर र १० जना नर्स उपलब्ध गराउने प्रतिवद्धता जनाएकोमा अहिले सम्म नपठाएकोले कलेजलाई सहमति अनुसार नगए यो विषम परिस्थितीमा असहयोग गरेको भन्दै कारवाही गरिने पत्रमा उल्लेख छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।