ग्रान्डीका संक्रमित कर्मचारीलाई पाटन अस्पतालको आइसोलेसनमा लगियो

संक्रमित कर्मचारीले काम गर्ने विभाग सिल गरियो

ग्रान्डीका संक्रमित कर्मचारीलाई पाटन अस्पतालको आइसोलेसनमा लगियो

हेल्थ टिभी अनलाइन\ काठमाडौं : कोरोना संक्रमण पुष्टि भएका ग्रान्डी अस्पतालका कर्मचारीलाई पाटन अस्पतालको आइसोलसनमा लगिएको छ ।

इपिडिमियोलोजी तथा रोग नियन्त्रण महाशाखाका निर्देशक डा वासुदेव पाण्डेले आज कोरोना पुष्टि भएका ग्रान्डीका एक जना कर्मचारीलाई पाटन अस्पतालको आइसोलेसनमा लगिएको बताए । उनले भने, ‘उहाँलाई उपचारका लागि भर्खर पाटन लगिएको छ । साथै उहासँग सम्पर्कमा आएका व्यक्तिहरुको कन्ट्याक्ट ट्रेसिङ गर्ने काम समेत अघि बढिसकेको छ ।’ उता अस्पतालमा उनी कार्यरत विभागलाई सिल गरिएको पनि डा पाण्डेले जानकारी दिए ।

स्वास्थ्य तथा जनसंख्या मन्त्रालयले शनिबार बिहान काठमाडौंका ३५ वर्षीय पुरुषमा कोरोना भएको उल्लेख गरेको थियो । स्रोतका अनुसार उनी ग्रान्डी अस्पतालको ल्याबमा काम गर्ने कर्मचारी हुन्।

थप समाचार