९ जेष्ठ २०७७ , शुक्रबार

कैलालीका तीनै जना कोरोना संक्रमित भारतबाट लुकेर नेपाल छिरेका थिए

हेल्थ टिभी अनलाइन\ डडेल्धुरा : आज कोरोना संक्रमण पुष्टि भएका कैलालीका तीनै जना संक्रमित भारतबाट लुकेर आएको खुलेको छ ।

उनीहरु सीमा क्षेत्रको चोरबाटो प्रयोग गरी लकडाउनकै बेला नेपाल आएको पाइएको हो । स्वास्थ्य मन्त्रालयका अनुसार शुक्रबार कैलालीको जानकी गाउँपालिका ४ र ७ का तीन जनामा कोरोना संक्रमण देखिएको हो ।

कोरोना पुष्टि भएका कैलालीका जानकी गाउँपालिका ४ का एक जना संक्रमित जेठ १ गते कैलालीको कालाकुण्डा नाका हुँदै जानकी गाउँपालिका पुगेका थिए । उनी भारतको महाराष्ट्रबाट आएको बताइएको छ । यसैगरी थप दुई जना संक्रमित पनि वैशाख ३० गते लुकीछिपी बाँकेको नाकाबाट नेपाल छिरेको पाइएको हो ।

जिल्ला प्रवेश गरेपछि क्वारेन्टाइनमा राखी कोरोना परीक्षणका लागि उनीहरुको स्वाब संकलन गरिएको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।