९ जेष्ठ २०७७ , शुक्रबार

बाँकेका २१ जना संक्रमित कोरोना जितेर घर फर्किए

हेल्थ टिभी अनलाइन\ काठमाडौं : बाँकेका पहिलो संक्रमित ६० वर्षीय पुरुषसहित २१ जना कोरोना जितेर अस्पतालबाट डिस्चार्ज भएका छन्।

कोरोना संक्रमण भएपछि उनीहरुलाई खजुरास्थित सुशील कोइराला प्रखर क्यान्सर अस्पतालमा बनाइएको आइसोलेसनमा राखिएको थियो । उनीहरुको दुईवटा पीसीआर रिपोर्ट लगातार नेगेटिभ आएपछि अस्पतालले डिस्चार्ज गरेको हो । हालसम्म बाँकेमा मात्रै १०१ जनामा कोरोना संक्रमण देखिएको छ ।

योसँगै नेपालमा कोरोना जितेर घर फर्किनेको संख्या ७० पुगेको छ । कोरोना जितेर अस्पतालबाट डिस्चार्ज भए पनि उनीहरुलाई एक साता अनिवार्य होम क्वारेन्टाइनमा बस्न भनिएको अस्पतालले जनाएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।