८ जेष्ठ २०७७ , बिहिबार

बाँकेका दुई संक्रमित मध्ये एक जना स्वास्थ्यकर्मी

हेल्थ टिभी अनलाइन \काठमाडौं : बाँकेमा कोरोना संक्रमण पुष्टि भएका दुई मध्ये एक जना स्वास्थ्यकर्मी भएको खुलेको छ । भेरी अस्पतालका मेडिकल सुपरिटेन्डेन्ट डा प्रकाश थापाले आज कोरोना पुष्टि भएका मध्ये एक जना महिला स्वास्थ्यकर्मी भएको बताए ।

उनले भने, ‘उहाँको स्वास्थ्य अवस्था सामान्य छ । आज घरमै आइसोलेसनमा बस्न भनेका छौं, भोलि उहाँलाई खजुरास्थित शुसिल कोइराला क्यान्सर अस्पतालको आइसोलेसनमा पठाउँछौं ।’

४२ वर्षकी उनी बाँकेको खजुरा गाउँपालिका- ३ की बासिन्दा हुन्। कोरोना रोकथाम तथा नियन्त्रणमा फ्रन्टलाइनमा खटिएकी उनमा बिहिबार भेरी अस्पतालको प्रयोगशालामा परीक्षण गर्दा कोरोना पोजेटिभ देखिएको हो ।

कोरोना महामारीमा फ्रन्टलाइनमा रहेर काम गर्ने स्वास्थ्यकर्मीहरु संक्रमणको उच्च जोखिममा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।