८ जेष्ठ २०७७ , बिहिबार

टेकु अस्पतालमा उपचाररत ४ जना संक्रमित कोरोना जितेर घर फर्किए

हेल्थ टिभी अनलाइन \काठमाडौं : काठमाडौंमा आज ४ जना संक्रमित कोरोना जितेर घर फर्किएका छन्।

स्वास्थ्य तथा जनसंख्या मन्त्रालयका अनुसार टेकुस्थित शुक्रराज ट्रपिकल तथा सरुवा रोग अस्पतालमा उपचाररत चार जना कोरोना संक्रमित डिस्चार्ज भएर घर गएका हुन्।

उनीहरु चारैजनाको पछिल्ला दुईवटा रिपोर्ट लगातार नेगेटिभ आएपछि अस्पतालले डिस्चार्ज गरेको हो । मन्त्रालयका अनुसार डिस्चार्ज हुनेमा २३ र २५ वर्षका महिला र २७ र ३७ वर्षका पुरुष रहेका छन्।

उनीहरु चारैजना नवौं दिनमा अस्पतालबाट डिस्चार्ज भएको बताइएको छ । नेपालमा हालसम्म कोरोना जितेर घर फर्किनेको संख्या ४९ रहेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।