हेल्थ टिभी अनलाइन\काठमाडौं : बाँकेको नरैनापुर कोरोनाको लागि हटस्पट नै बनेको छ । बुधबार भेरी अस्पतालको प्रयोगशालामा गरिएको परीक्षणमा थप ६ जनामा कोरोना संक्रमण पुष्टि भएकोमा ५ जना नरैनापुरका रहेका छन्।

स्वास्थ्य मन्त्रालयका अनुसार आज संक्रमित हुनेमा बाँके नरैनापुरका ५ जना र खजुरा -५ का एक २७ वर्षीय युवक रहेका छन्।  नरैनापुरमा यसअघि नै ८ र ५९ गरी ६७ जनामा कोरोना संक्रमण देखिएको थियो । यसैगरी कोरोना कै कारण नरैनापुरको क्वारेन्टाइनमा रहेका २५ वर्षीय युवककोे आइतबार ज्यान गएको थियो ।

सोही स्थानमा संक्रमित थपिरहँदा सोमबार कोरोना पुष्टि भएकाहरुलाई नै स्थानीय सरकारले आइसोलेसनको व्यवस्था गर्न सकेको छैन्।