७ जेष्ठ २०७७ , बुधबार

क्रिमसन अस्पतालले भन्यो, संक्रमित व्यक्तिको मृत्यु भएको छैन्, हल्लाको पछि नलागौँ

हेल्थ टिभी अनलाइन\ काठमाडौं : कोरोना भाइरस संक्रमणबाट मृत्यु भएको भनिएका गुल्मी मदानेका एक युवकको मृत्यु नभएको पुष्टि भएको छ । रुपन्देहीको तिलोत्तमास्थित क्रिमशन अस्पतालले प्रेस विज्ञप्ति जारी गर्दै ती युवकको मृत्यु नभएको पुष्टि गरेको छ ।

अहिले सञ्चारमाध्यम एवं सामाजिक संजालमा नेपालमा तेस्रो संक्रमित व्यक्तिको मृत्यु भएको भन्दै समाचार सार्वजनिक भइरहेकोप्रति आपत्ति जनाउँदै अस्पतालले ती युवकको भेन्टिलेटरमा राखेर उपचार भइरहेको र मृत्यु भएको समाचार गलत भएको जनाएको छ । अस्पतालले उनको अवस्था स्थिर रहेको र भेन्टिलेटरको सहयोगमा आइसीयूमा उपचार भइरहेको जनाएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।