हेल्थ टिभी अनलाइन\ काठमाडौं : नेपालमा कोरोना भाइरसको संक्रमणका कारण तेस्रो व्यक्तिको मृत्यु भएको छ।

गुल्मी मदाने निवासी कोरोना संक्रमित पुरुषको बिहिबार बिहान उपचारकै क्रममा मृत्यु भएको हो । योसँगै नेपालमा कोरोना संक्रमणबाट मृत्यु हुनेको संख्या ३ पुगेको छ। सोमबार मात्र कोरोना संक्रमण पुष्टि भएका उनको यसअघि देखि नै बिरामी भएर रूपन्देहीकाे क्रिमसन अस्पतालमा आइसीयूमा राखेर उपचार भइरहेको थियो । अस्पतालका अनुसार उनको आज बिहान ७ बजे मृत्यु भएको हो।

यसअघि सिन्धुपाल्चाेककी २९ वर्षीया महिला र बाँकेका २५ वर्षीय युवकले कोरोना भाइरसको संक्रमणका कारण  ज्यान गुमाएका छन्।