६ जेष्ठ २०७७ , मङ्लबार

धनकुटाका थप ५ जनामा कोरोना संक्रमण

हेल्थ टिभी अनलाइन\ काठमाडौं : नेपालमा थप ५ जनामा कोरोना संक्रमण देखिएको छ । धरानस्थित वीपी कोइराला स्वास्थ्य विज्ञान प्रतिष्ठानमा परीक्षण गर्दा धनकुटाका ५ जनामा कोरोनो पोजेटिभ देखिएको हो ।

धनकुटाकी एक स्वास्थ्यकर्मीमा संक्रमण पुष्टि भएपछि उनको सम्पर्कमा आएकाहरुको परीक्षण गर्ने क्रममा ५ जनामा संक्रमण देखिएको अस्पताल स्रोतले जनाएको छ । सोमबार मात्रै संक्रमित स्वास्थ्यर्मीको सम्पर्कमा आएका ८५ जनाको स्वाब संकलन गरी धरानस्थित वीपी कोइराला स्वास्थ्य विज्ञान प्रतिष्ठानमा परीक्षण गरिएको थियो । ती मध्ये केहीको रिपोर्ट अझै आउन बाँकी छ ।

योसँगै नेपालमा संक्रमितको संख्या ४०७ पुगेको छ । यद्यपी स्वास्थ्य मन्त्रालयले थप ५ जनाको विवरण औपचारिक रुपमा सार्वजनिक गरेको छैन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।