४ जेष्ठ २०७७ , आइतवार

लकडाउन जेठ २० सम्म लम्बियो

हेल्थ टिभी अनलाइन\काठमाडौं : कोरोना संक्रमितको संख्या बढ्दै गएपछि सरकारले जारी रहेको लकडाउन जेठ २० गतेसम्म लम्ब्याउने निर्णय गरेको छ ।

मन्त्रिपरिषद्को आइतबार बसेको बैठकले लकडाउन लम्ब्याउने निर्णय गरेको हो । कोरोना सम्बन्धी उच्चस्तरीय समितले यसअघि नै संक्रमितको संख्या बढ्दै गएकाले जोखिम कायम भएको भन्दै लकडाउन लम्ब्याउन सिफारिस गरेको थियो ।

सरकारले कोरोना रोकथाम तथा नियन्त्रणका लागि चैत ११ देखि देशभर लकडाउन गरेको छ। अन्तिमपटक थपिएको लकडाउनको समय भोलि अर्थात जेठ ५ गतेसम्म रहेको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।