४ जेष्ठ २०७७ , आइतवार

भारतले नेपाललाई दियो ३० हजार पीसीआर किट

हेल्थ टिभी अनलाइन\ काठमाडौं: भारत सरकारले नेपाललाई (कोभिड १९) कोरोना परीक्षणका लागि आवश्यक पर्ने पीसीआर टेस्ट किट सहयोग गरेको छ।

आइतबार भारतका राजदूत विनय मोहन क्वात्राले स्वास्थ्य मन्त्री भानुभक्त ढकाललाई स्वास्थ्य मन्त्रालय पुगी पीसीआर टेस्ट किटहरु हस्तान्तरण गरेका हुन्।

स्वास्थ्य मन्त्रालयका अनुसार ३० हजार पीसीआर किट सहयोग स्वरुप हस्तान्तरण गरिएको हो। यसअघि पनि भारतले नेपाललाई औषधि लगायतका स्वास्थ्य सामग्री सहयोग गरेको थियो।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।