हेल्थ टिभी अनलाइन\ काठमाडौं:  सरकारले कोरोना भाइरसका कारण कसैको मृत्यु भएमा कसरी व्यवस्थापन गर्ने भनेर ‘कोभिड- १९ का कारण मृत्यु भएका व्यक्तिहरुको व्यवस्थापन सम्बन्धी कार्यविधि २०७६’नामक कार्यविधि बनाएको छ ।

कोरोना संक्रमणका कारण मृत्यु हुनेको शव व्यवस्थापनमा विशेष सावधानी अपनाउनुपर्ने हुन्छ । सोही बमोजिम स्वास्थ्य तथा जनसंख्या मन्त्रालयले यसअघि नै शव व्यवस्थापन सम्बन्धी कार्यविधि बनाएको छ । सो कार्यविधि अनुसार अन्य व्यक्ति सरह परिवारले अन्तिम संंस्कार गर्न पाउने छैनन्। यसका लागि सरकारले तय गरेका केही नियमहरु पालना गर्नुपर्ने हुन्छ ।

सरकारले तयार पारेको कार्यविधि अनुसार शव उठाउनु अघि शववाहन चालक एवं कर्मचारीले अनिवार्य सुरक्षाकवच पीपीई लगाउनुपर्ने हुन्छ । सो कार्यविधि अनुसार शवलाई सकेसम्म कम चालाउनुपर्ने र छिटो अन्ति संस्कार गर्नुपर्ने हुन्छ ।

यसैगरी आफन्तले एक मिटर टाढैबाट हेर्न सक्नेछन तर शव छुन भने पाउने छैनन्।  दीर्घरोगी र ६० वर्ष काटेका बृद्धबृद्धालाई शबको नजिक जान दिन नहुने लगायतका शर्त उल्लेख छन्।

हेरौं कार्यविधि यस्तो छ: