३ जेष्ठ २०७७ , शनिबार

थप ६ जनामा कोरोना संक्रमण, संक्रमितको संख्या २७३ पुग्यो

हेल्थ टिभी अनलाइन\ काठमाडौं: नेपालमा थप ६ जनामा कोरोना संक्रमण पुष्टि भएको छ ।

योसँगै संक्रमितको संख्या २७३ पुगेको स्वास्थ्य मन्त्रालयले जनाएको छ । शनिबार काठमाडौंको टेकुस्थित राष्ट्रिय जनस्वास्थ्य प्रयोगशालामा गरिएको परीक्षणमा बर्दिया, पर्सा, सिराहा, सर्लाही र चितवनमा गरी थप ६ जनामा कोरोना देखिएको मन्त्रालयले विज्ञप्ति जारी गर्दै जनाएको हो ।

आज संक्रमण पुष्टि हुनेमा बर्दिया नार्खु -११ निवासी २८ वर्षीया महिला, सिरहा सखुवाका ३० वर्षका पुरुष , पर्सा वीरगंजका २८ र २९ वर्षका पुरुष, सर्लाहीका १८ वर्षीय युवती, चितवन गढौली निवासी २५ वर्षीया महिला रहेको मन्त्रालयले पुष्टि गरेको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।