३१ बैशाख २०७७ , बुधबार

भक्तपुरका दुई कोरोना संक्रमितमध्ये एक जना सशस्त्र प्रहरी भएको पुष्टि

हेल्थ टिभी अनलाइन\ काठमाडौं: भक्तपुरका दुई कोरोना संक्रमितमध्ये एक जना सशस्त्र प्रहरी भएको पुष्टि भएको छ ।

भक्तपुरको चाँगुनारायण नगरपालिका -१ दुवाकोटमा बस्दै आएका २७ वर्षीय ती सशस्त्र प्रहरीमा राष्ट्रिय जनस्वास्थ्य प्रयोगशालामा गरिएको परीक्षणमा कोरोना पुष्टि भएको हो।

उनी सशस्त्र प्रहरी बलको निल बाराही गणमा कार्यरत रहेको एवं नेकपा नेता भिम रावलको सुरक्षार्थ खटिएका प्रहरी रहेको बताइएको छ । उनलाई कोरोना पुष्टि भएपछि मंगलबार राति नै शुक्रराज ट्रपिकल तथा सरुवा रोग टेकु अस्पतालमा भर्ना गरिएको छ। मंगलबार मात्रै भक्तपुरमा दुई जनामा कोरोना पुष्टि भएको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।