३० बैशाख २०७७ , मङ्लबार

कपिलवस्तुमा नर्सलाई पनि कोरोना पोजेटिभ

हेल्थ टिभी अनलाइन\ काठमाडौं: नेपालमा स्वास्थ्यकर्मीमा पनि कोरोना पोजेटिभ देखिएको पुष्टि भएको छ ।

मंगलबार कपिलवस्तुमा एक नर्समा कोरोना संक्रमण पुष्टि भएको हो। उनी तौलिहवा अस्पतालमा कार्यरत छिन्। त्यहाँ कार्यरत नर्समा कोरोना देखिएको प्रदेश नम्बर ५ का प्रदेश स्वास्थ्य निर्देशनालयका प्रवक्ता रोशनलाल चौधरीले जानकारी दिए । यसरी स्वास्थ्यकर्मीमा संक्रमण भएको नेपालमै पहिलो केस हो ।

उनका अनुसार नर्स पछिल्लो समय फिबर क्लिनिकमा कार्यरत थिइन्। त्योबाहेक वार्डमा पनि उनको ड्युटी हुन्थ्यो । अस्पतालका स्वास्थ्यकर्मीको परीक्षण गर्ने क्रममा अन्यको रिपोर्ट नेगेटिभ आएको र उनको पोजेटिभ आएको चौधरीले जानकारी दिए । स्वास्थ्य मन्त्रालयलका अनुसार मंगलबार मात्रै कपिलवस्तुमा ८ जना संक्रमित थपिएका छन् ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।