३० बैशाख २०७७ , मङ्लबार

कोरोना आशंकामा भारतबाट आएका दुईजना आइसोलेसनमा भर्ना

हेल्थ टिभी अनलाइन \डडेल्धुरा: कोरोना भाइरस (कोभिड-१९) को आशंकामा कञ्चनपुरमा दुई जना सेती प्रादेशिक अस्पतालको आइसोलेसनमा भर्ना भएका छन्।

भीमदत्त नगरपालिकाका श्रीमान श्रीमतीमै कोरोनाको जस्तो लक्षण देखिएपछि अस्पताल भर्ना भएका हुन्।

सेती प्रादेशिक अस्पतालका सूचना अधिकारी दिलिपकुमार श्रेष्ठका अनुसार श्रीमान् दुई महिनाअघि भारतबाट आएका थिए।

उनीहरूमा ज्वरो आउनुका साथै रुघाखोकी लाग्ने र घाटी दुख्ने गरेपछि दुवै जना परीक्षण गर्न अस्पताल आएका र शंकास्पद लागेपछि आइसोलेनमा भर्ना गरिएको सूचना अधिकारी श्रेष्ठले जानकारी दिए। उनका अनुसार कोरोना परीक्षणका लागि दुवैको थ्रोट स्वाब संकलन गरी ल्याबमा पठाइएको छ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।