३० बैशाख २०७७ , मङ्लबार

२४ घण्टामा २ हजार २३६ परीक्षण, २२८ जना आइसोलेसनमा

हेल्थ टिभी अनलाइन\काठमाडौं : नेपालमा गत २४ घण्टामा २ हजार २३६ जनाको नमुना परीक्षण गरिएको बताइएको छ ।

स्वास्थ्य तथा जनसंख्या मन्त्रालयको नियमित मिडिया ब्रिफिङमा मन्त्रालयका प्रवक्ता डा विकास देवकोटाले सो जानकारी दिएका हुन्।

डा. देवकोटाले २४ घण्टामा २ हजार २३६ जनाकाे पीसीआर परीक्षण गरिएकाे र ती मध्ये ५७ जनामा कोरोना पोजेटिभ देखिएको बताए । उनका अनुसार यो सँगै कुल संक्रमितको संख्या १९१ पुगेको छ । जसमा १५८ जना पुरुष र ३३ जना महिला रहेका छन्।

मन्त्रालयका अनुसार हालसम्म १८ हजार ९ सय ६४ जनाको पीसीआर विधिमार्फत परीक्षण गरिएको छ भने आरडीटी विधिमार्फत परीक्षण गर्नेको संख्या ५९ हजार ६ सय २७ पुगेको छ । कोरोनाको आशंकामा क्वारेन्टाइनमा रहने १२ हजार ७ सय ८५ जना रहेका छन्। यसैगरी आजसम्म २२८ जना आइसोलेसनमा रहेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।