२९ बैशाख २०७७ , सोमवार

सेती प्रादेशिक अस्पतालमा ओपीडी लगायतका नियमित सेवा सञ्चालन हुने

हेल्थ टिभी अनलाइन\ डडेल्धुरा: सेती प्रादेशिक अस्पतालले कोरोना भाईरसको संक्रमणपछि बन्द रहेको ओपीडी सेवा सञ्चालन गर्ने भएको छ।

अस्पतालले आज सूचना जारी गर्दै मंगलबारदेखि ओपीडी लगायतका नियमित स्वास्थ्य सेवाहरु सुचारु हुने जनाएको हो।

यसअघि कोरोना भाईरसको महामारीलाई लिएर अस्पतालले चैत ११ गतेदेखि ज्वरो क्लिनिक र आकस्मिक सेवा मात्र सञ्चालन गर्दै आएको थियो । ओपीडी सेवा भने बन्द थियो । आइतबार सरकारले देशभरका अस्पताललाई ओपीडी सेवा सञ्चालन गर्न निर्देशन दिएको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।