२९ बैशाख २०७७ , सोमवार

सप्तरीमा पनि एक जनामा कोरोना संक्रमण पुष्टि, संक्रमितको संख्या १२१ पुग्यो

हेल्थ टिभी अनलाइन \काठमाडौं: नेपालमा थप एक जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयलले सोमबार विज्ञप्ति जारी गर्दै सप्तरीका एक पुरुषमा कोरोना पोजेटिभ देखिएको जनाएको हो ।

योसँगै नेपालमा संक्रमितको संख्या १२१ पुगेको छ । मन्त्रालयका अनुसार वीपी कोइराला स्वास्थ्य विज्ञान प्रतिष्ठान धरानको प्रयोगशालमा परीक्षण गर्दा सप्तरी डाक्नेश्वरी नगरपालिका वडा नं ३ निवासी १८ वर्षीय पुरुषमा कोरोना पोजेटिभ देखिएको हो । आजै बिहान कपिलवस्तुका १० जनामा कोरोना पुष्टि भएको थियो ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।