२६ बैशाख २०७७ , शुक्रबार

भारतमा पछिल्लाे सात दिनमा २३ हजार नयाँ संक्रमित थपिए

हेल्थ टिभी अनलाइन\ काठमाडाैं: भारतमा कोरोना संक्रमण तीब्र रुपमा बढिरहेको छ । पछिल्लो सात दिनमा मात्रै २३ हजार कोरोनाका नयाँ संक्रमित फेला परेको त्यहाँको स्वास्थ्य मन्त्रालयले जनाएको छ ।

भारतीय स्वास्थ्य मन्त्रालयका अनुसार ३० अप्रिलसम्म ३३ हजारको हाराहारीमा कोरोना देखिएकोमा मे को शुरुवातदेखि नै संक्रमित थपिने क्रम तीब्र रुपमा बढेको हाे । सात दिनमै ३३ हजारबाट बढेर संक्रमितकाे संख्या ५६ हजार ३४२ पुगेकाे छ ।

गत २४ घण्टामा मात्रै भारतमा १०३ जनाको मृत्यु भएको छ भने ३ हजार ३ सय ९० नयाँ संक्रमित थपिएका छन्।

योसँगै भारतमा कोरोनाले मृत्यु हुनेको संख्या एक हजार ८ सय ८६ पुगेको छ। यसैगरी १६ हजार भन्दा बढी संक्रमित निकाे भएर घर फर्केको बताइएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।