हेलिकप्टरबाट सुत्केरीको उद्दार
शेर भण्डारी\ डडेल्धुरा : धनगढीबाट एक सुत्केरीको उद्दार गरी काठमाडौं लगिएको छ । बझाङको केदारस्यू गाउँपालिका २ की ३३ वर्षीया जानकी रावलको धनगढीबाट हेलिकप्टरबाट उद्दार गरिएको हो।
बझाङमा ११ दिन अघि छोरी जन्माएकी उनलाई पेट सुन्निएपछि डडेल्धुरा अस्पताल ल्याइएको थियो। डडेल्धुरा अस्पतालमा पनि उपचार सम्भव नभएपछि उनलाई धनगढीको सेती प्रादेशिक अस्पताल रिफर गरेको थियो। सो अस्पतालमा पनि उपचार सम्भव नभएपछि थप उपचारका लागि सिम्रिक एयरको हेलिकोप्टर मार्फत त्रिवि शिक्षण अस्पताल काठमाडौँ लगिएको छ।
सुदूरपचिम सरकारको एयर लिफ्ट कार्यक्रम मार्फत उनको उद्दार गरिएको सामाजिक विकास मन्त्रीका स्वकिय सचिव लोकेन्द्र धामीले जानकारी दिए।
रावलकी ११ दिनकी छोरीलाई भने धनगढीमा नै राखिएको बताइएको छ।
चिकित्सक उत्पादनमा फड्को, पलायनले राज्यलाई ठूलो नोक्सानी
ल्वाङलाई औषधिको रुपमा कसरी प्रयोग गर्ने
डा चेतना पौडेल रजिष्टर्ड प्राकृतिक चिकित्सक हुन् : योग तथा प्राकृतिक चिकित्सक संघ
अफ्रिकामा महिलाका अधिकारमाथि चुनौती, ‘मापुटो प्रोटोकल’ बचाउन आह्वान
एमडीएच फर्मास्युटिकल्सलाई क्वालिटी अचिभमेन्ट अवार्ड