२२ बैशाख २०७७ , सोमवार

क्यान्सर बिरामीका लागि क्यान्सर सहयोग समूहले शुरु गर्‍यो निशुल्क यातायात सेवा

हेल्थ टिभी अनलाइन\ काठमाडौं: लकडाउनका कारण क्यान्सर बिरामीलाई अस्पतालसम्म आउन समस्या भएपछि उनीहरुका लागि निशुल्क यातायातको व्यवस्था गरिएको छ ।

नेपाल क्यान्सर सहयोग समूहले लकडाउनका कारण समस्यामा परेका क्यान्सर बिरामीलाई अस्पताल आउन र जान यातायातको व्यवस्था गरेको हो । क्यान्सरका बिरामीलाई नियमित फलोअप, किमोथेरापी, रेडियोथेरापी दिन आउनै समस्या भएपछि सहयोग समूहले सो को लागि पहल गरेको समूहकी सदस्य स्वरुपा श्रेष्ठले जानकारी दिइन्।

हालका लागि उपत्यका भित्र मात्र सेवा शुरु गरिएको भए पनि लकडाउन लम्बिदै जाँदा यो सेवा उपत्यका बाहिर पनि शुरु हुने उनले जानकारी दिइन्। क्यान्सर सहयोग समूहले धेरै वर्षदेखि क्यान्सर बिरामीको हकहित र उनीहरुको उपचारमा पनि सहयोग गर्दै आएको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।