विश्वभर कोरोना संक्रमणका कारण मृत्यु हुनेको संख्या २ लाख ४३ हजार नाघ्यो
हेल्थ टिभी अनलाइन \काठमाडौं : कोरोना भाइरसको संक्रमणका कारण विश्वभर मृत्यु हुनेको संख्या २ लाख ४३ हजार बढी नाघेको छ । यसैगरी कोरोना संक्रमितको संख्या ३४ लाख २३ हजार नाघेको छ ।
कोरोनाबाट सबैभन्दा बढी प्रभावित अमेरिकामा मात्रै कोरोना संक्रमणबाट मृत्यु हुनेको संख्या ६५ हजार ७ सय ८३ पुगेको छ । पछिल्लो तथ्यांक अनुसार अमेरिकामा ११ लाख ३२ हजारभन्दा बढी संक्रमित भइसकेका छन् । यसैगरी अमेरिकापछि बढी कोरोना संक्रमणबाट इटलीमा २८ हजार २ सयले ज्यान गुमाएका छन्। बेलायतमा २७ हजार ५ सय, स्पेनमा २५ हजार १ सय, फ्रान्समा २४ हजार ५ सयभन्दा बढीको ज्यान गइसकेको छ ।
भारतमा पनि दिनप्रतिदिन कोरोना संक्रमितको संख्या बढ्दै गएको छ । भारतमा आइतबारसम्म कोरोना संक्रमितको संख्या ३७ हजार ३ सय ३७ पुगेको छ भने १ हजार २ सय २३ जनाको मृत्यु भइसकेको छ । पाकिस्तानमा संक्रमितको संख्या १८ हजार १ सय १४ पुगेको छ भने ४ सय १७ जनाले ज्यान गुमाइसकेका छन् । नेपालमा हालसम्म ५९ जनामा मात्र कोरोना संक्रमण पुष्टि भएको छ भने त्यसमध्ये १६ जना उपचारपछि निको भएर घर फर्किसकेका छन्। अहिलेसम्म नेपालमा कोरोनाका कारण कसैको पनि मृत्यु भएको छैन्।
स्वास्थ्य मन्त्री उपेन्द्र यादवद्धारा कान्ति बाल अस्पतालको आकस्मिक अनुगमन
नेपालले बालबालिकामा हुने क्यान्सरका ३५ प्रकारका औषधी निःशुल्क प्राप्त गर्ने
पूर्व स्वास्थ्य सचिव डा प्रवीण मिश्रको निधन
एक वर्षमा ३३ लाख बिरामीको आँखा उपचार, ८ लाख विदेशीले लिए सेवा
मधुमेह रोग र दाँतको समस्या