१९ बैशाख २०७७ , शुक्रबार

नेपालगंजका एक र रुपन्देहीका एक गरी दुई जना संक्रमित थपिए

हेल्थ टिभी अनलाइन\ काठमाडौं: नेपालमा कोरोना भाइरसका थप दुई संक्रमित भेटिएका छन्।

स्वास्थ्य तथा जनसंख्या मन्त्रालय अन्तर्गतको इपिडिमियोलोजी तथा रोग नियन्त्रण महाशाखाका निर्देशक डा बासुदेव पाण्डेका अनुसार नेपालगंजको भेरी अस्पतालमा एक जना र रुपन्देहीका एक जनामा कोरोना पुष्टि भएको हो। नेपालगंज बाँकेका ६० वर्षीय पुरुष र रुपन्देहीका २५ वर्षीय पुरुषमा कोरोना पोजेटिभ देखिएको स्वास्थ्य मन्त्रालयले पुष्टि गरेको छ।

उनीहरूको विस्तृत विवरण केहीवेरमा मन्त्रालयले सार्वजनिक गर्दैछ । योसँगै नेपालमा संक्रमितको संख्या ५९ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।