हेल्थ टिभी अनलाइन\ काठमाडौं:  सरकारले कोरोना भाइरसको रोकथाम तथा उपचारमा प्रत्यक्ष संलग्न भएर खटिने स्वास्थ्यक्रमीलाई जोखिम भत्ता दिने निर्देशिका पारित गरेको छ।

मन्त्रिपरिषदको बैठकले स्वास्थ्यकर्मीहरुका लागि तयार पारेको निर्देशिका पारित गरेसँगै स्वास्थ्यकर्मीले अब सय प्रतिशत सम्म भत्ता पाउने छन्। यसमा कुनै रोकावट आउने छैन्। यसो त सरकारले कोरोना भाइरसको रोकथाम तथा उपचारमा फ्रन्टलाइनमा रहेर उपचार गर्ने स्वास्थ्यकर्मीलाई शतप्रतिशत सम्म जोखिम भत्ता दिने निर्णय गरेको थियो।

स्वास्थ्य मन्त्रालयले सो निर्णयपछि कोरोना भाइरसको उपचारमा संलग्न जनशक्तिको जोखिम भत्ता व्यवस्थापन आदेश, २०७७ को मस्यौदा तयार पारेको हो। स्वास्थ्य मन्त्रालयले तयार पारेको उक्त मस्यौदा मन्त्रिपरिषदले पास गरेको छ।

यसअघि नै बसेको मन्त्रिपरिषदको बैठकले कोरोनाको उपचार, नियन्त्रण तथा रोकथाममा खटिने स्वास्थ्यकर्मीलाई ५०, ७५ र १०० प्रतिशतको दरले जोखिम भत्ता उपलव्ध गराउने निर्णय गरेको थियो।निर्देशिका अनुसारकोरोना विरुद्ध अग्रपंक्तिमा रहेर काम गर्ने स्वास्थ्यकर्मीलाई १०० प्रतिशत, दोस्रो तहमा रहेर काम गर्नेलाई ७५ प्रतिशत र त्यसभन्दा बाहिर हुने तर कोरोना विरुद्ध खटिएकालाई ५० प्रतिशतको दरले जोखिम भत्ता उपलव्ध हुने निर्देशिकामा उल्लेख छ ।