१८ बैशाख २०७७ , बिहिबार

क्वारेन्टाइनमा रहेका महिलालाई आफना बच्चालाई नियमित स्तनपान गराउन स्वास्थ्य मन्त्रालयकाे आग्रह

हेल्थ टिभी अनलाइन \काठमाडौं : क्वारेन्टाइनमा रहेका महिलालाई आफनो बच्चालाई नियमित स्तनपान गराउन स्वास्थ्य मन्त्रालयले आग्रह गरेको छ । बिहिबार मन्त्रालयले गरेको नियमित मिडिया ब्रिफिङमा प्रवक्ता डा विकास देवकोटाले कतिपय क्वारेन्टाइनमा बसेका महिलाले कोरोना सर्छ की भन्ने डरले स्तनपान नगराइरहेको भन्दै यसरी डराउन नपर्ने बताए ।

उनले हालसम्म स्तनपान गराएका बच्चालाई आमाबाट कोरोना सरेको तथ्य नपाइएकाले आफना बच्चालाई आफू सुरक्षित रहेर स्तनपान गराउन सकिने बताए । उनले स्तनपान गराउँदा भने मास्क लगाउने,साबुन पानीले हात धोएपछि मात्र बच्चालाई छुने र सरसफाईमा ध्यान दिनुपर्नेमा भने जोड दिए । स्तनपान नगराउँदा पछि बच्चाको स्वास्थ्यमा असर पर्ने भन्दै दुई वर्ष मूनिका बच्चा भएका सबै महिलालाई ढुक्क भएर आफना बच्चालाई स्तनपान गराउन आग्रह गरे ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।