हेल्थ टिभी अनलाइन \काठमाडौं:  कोरोनाको आशंकामा गत २४ घण्टामा २ हजार ३ सय ६७ जनाको नमुना परीक्षण गरिएको छ ।

स्वास्थ्य तथा जनसंख्या मन्त्रालयलले सो कुराको जानकारी दिएको हो । बुधबार मन्त्रालयले गरेको नियमित मिडिया ब्रिफिङमा मन्त्रालयका प्रवक्ता डा विकास देवकोटाले गत २४ घण्टामा २ हजार ३ सय ६७ जनाको पीसीआर विधिमार्फत परीक्षण गरिएको बताए।

यसैगरी हालसम्म पीसीआर विधिमार्फत ११ हजार ५ सय २४ जनाको नमुना परीक्षण गरिएको र ४५ हजार ६ सय ६५ जनाको आरडीटी विधिमार्फत परीक्षण गरिएको पनि उनले जानकारी दिए ।

उनले आज पर्साका एक जना र वाराका दुई जना पुरुषमा कोरोना पोजेटिभ पाइएपछि संक्रमितको संख्या ५७ पुगेको बताए । आज पुष्टि भएका तीनै जना संक्रमितको नारायणी अस्पतलालको आइसोलेसनमा उपचार भइरहेको पनि प्रवक्ता देवकोटाले जानकारी दिए । यसैगरी क्वारेन्टाइनमा रहनेको संख्या २२ हजार ९ सय १ जना रहेको बताइएको छ । उता आइसोलेसनमा बसेकाको संख्या ८७ रहेको छ । उपत्यकामा ४ जना र उपत्यका बाहिर ८३ जना रहेको बताइएको छ ।

नेपालमा हालसम्म १६ जना कोरोना संक्रमित उपचारपछि निको भएर घर फर्किसकेका छन्।