१४ बैशाख २०७७ , आइतवार

फेरी थपियो समय: वैशाख २५ सम्म लकडाउन जारी रहने

हेल्थ टिभी अनलाइन \काठमाडौं : सरकारले लकडाउनको समय पुन: थपेको छ । आइतबार बसेको मन्त्रीपरिषदको बैठकले अझै १० दिन अर्थात वैशाख २५ गतेसम्म लकडाउन लम्ब्याउने निर्णय गरेको हो ।

कोरोना रोकथाम तथा नियन्त्रण गर्नका लागि सरकारले गत चैत ११ गतेदेखि लकडाउन जारी राखेको छ । यसअघि वैशाख १५ सम्मलाई लकडाउन लम्ब्याइएको थियो । भोलि लकडाउनको समय सकिनुअघि नै आजै यसको समय थप गरिएको हो ।

नेपालमा हालसम्म ५२ जनामा कोरोना संक्रमण पुष्टि भइसकेको छ । संक्रमितको संख्या बढिरहेकाले कोरोनाको जोखिम बढ्ने संकेतका कारण सरकारले लकडाउनको समय थपेको बताइएको छ । त्यसो त हालसम्म १६ जना संक्रमित उपचारपछि निको भएर घर फर्किसकेका छन्।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।