१३ बैशाख २०७७ , शनिबार

कोरोनाको आशंकामा क्वारेन्टाइनमा रहेका व्यक्तिहरुमा औलो संक्रमण

हेल्थ टिभी अनलाइन\ काठमाडौं: स्वास्थ्य तथा जनसंख्या मन्त्रालयले कोरोना आशंकामा क्वारेन्टाइनमा रहेका केही व्यक्तिहरुमा औंलो रोगको संक्रमण देखिएको बताएको छ ।

शनिबार मन्त्रालयका प्रवक्ता डा विकास देवकोटाले देशका विभिन्न स्थानमा कोरोना आशंकामा क्वारेनटाइनमा बसेका केही व्यक्तिहरुमा औंलो देखिएको बताए । उनले भने, ‘केही क्वारेन्टाइनमा औंलोका बिरामी भेटिनुभएको छ , त्यसैले लामखुट्टेको टोकाइबाट जोगिने उपाय गरौं ।’ उनले कति जनामा औंलो देखियो भनेर संख्या चाहिं उल्लेख गरेनन्।

उनले औंलो रोग लामखुट्टेको टोकाइबाट सर्ने र अहिले गर्मीको मौसममा लामखुट्टे बढी सक्रिय हुने हुँदा विशेष ध्यान दिनुपर्नेमा जोड दिए । गर्मी बढेसँगै औंलोको प्रकोप पनि बढ्नेगर्छ । उनले देशभरका क्वारेन्टाइनलाई थप व्यवस्थित गर्दै लाने पनि आश्वासन दिए ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।