हेल्थ टिभी अनलाइन \काठमाडौं: सरकारले गत २४ घण्टामा कोरोना आशंकामा ३ हजार ७ सय ९१ जनाको पीसीआर विधिबाट परीक्षण गरेको जनाएको छ ।

स्वास्थ्य तथा जनसंख्या मन्त्रालयको नियमित मिडिया ब्रिफिङमा मन्त्रालयका प्रवक्ता डा विकास देवकोटाले २४ घण्टामा ३ हजार ७ सय ९१ जनाको परीक्षण गरिएको बताए । यी मध्ये कसैमा पनि कोरोना पोजेटिभ नआएको पनि उनले जानकारी दिए ।

पीसीआर विधिबाट हालसम्म ९ हजार ४ सय सात जनाको र र्‍यापिड टेष्ट विधि मार्फत ३८ हजार ८९ जनाको परीक्षण गरेको प्रवक्ता देवकोटाले बताए । यो दुबै गरी हालसम्म ४७ हजार ४ सय ९६ जनाको कोरोना आशंकामा परीक्षण गरिएको छ ।

यसैगरी मन्त्रालयका अनुसार प्रदेश १ मा ३९२९, प्रदेश २ मा ४९७७, बाग्मती प्रदेशमा ७१४३, गण्डकी प्रदेशमा ४७८३, कर्णाली प्रदेशमा ४८७०, प्रदेश ५ मा २८७४र सुदूरपश्चिममा ९५१३ जनामा र्‍यापिड टेष्ट विधि मार्फत कोरोना परीक्षण गरिएको छ । क्वारेन्टाइनमा रहनको संख्या १२ हजार ९ सय ८५ र आइसोलेसनमा ८९ जना रहेको पनि बताइएको छ ।  नेपालमा हालसम्म ४८ जनामा कोरोना संक्रमण देखिएको छ । ती मध्ये १० जना निको भएर घर गइसकेका छन्।