११ बैशाख २०७७ , बिहिबार

भोजपुरका २६ वर्षीय युवकमा देखियो कोरोना संक्रमण

हेल्थ टिभी अनलाइन \काठमाडौं : भोजपुरका एक व्यक्तिमा कोरोना संक्रमण देखिएको छ । स्वास्थ्य तथा जनसंख्या मन्त्रालयले धरानस्थित वीपी स्वास्थ्य विज्ञान प्रतिष्ठानमा परीक्षण गर्दा आज भोजपुरका एक जना २६ वर्षीय युवकमा कोरोना पोजेटिभ पाइएको बताएको हो ।

मन्त्रालयले वेवसाइट मार्फत सूचना जारी गर्दै उक्त कुराको जानकारी दिएको छ । संक्रमित व्यक्ति विदेशबाट आएको बताइए पनि उनकावारेमा थप विवरण भने आइनसकेको मन्त्रालयले जनाएको छ।आजै दिउँसो दुई जनामा कोरोना संक्रमण पुष्टि भएको थियो । यो समेत गरी नेपालमा कोरोना संक्रमितको संख्या ४८ पुगेको छ ।

हेल्थ टिभी अनलाइन

हेल्थ टिभी अनलाइन स्वास्थ्य विधामा नेपाली पत्रकारिता इतिहासकै पहिलो श्रव्यदृश्य केन्द्रित मल्टी मिडिया अनलाइन पोर्टल हो। जनस्वास्थ्य समस्या, रोग र उपचार, चिकित्सा विज्ञान र शिक्षा, आयुर्वेद, स्वास्थ्य प्रविधि, प्राकृतिक चिकित्सा, जीवनशैलीलगायतका सवालमा समाचार, टिप्पणी, विचार, विज्ञको राय, अन्तरवार्ता, छलफल र संवादमार्फत विश्वव्यापी रूपमै पाठक, श्रोता र दर्शकलाई सचेत गराउने कार्यमा हेल्थ टिभी अनलाइन कटिबद्ध छ।